اسلام آباد (مانیٹرنگ ڈیسک)عالمی میڈیا کی بھی پاکستان کے الیکشن پر گہری نظر۔مختلف رپورٹس شائع،واشنگٹن پوسٹ کے مطابق دہشت گردی اور شریف خاندان کے خلاف کرپشن کیس کے باوجود پاکستان میں پھر انتخابات ہونے جارہے ہیں اور عمران خان ایک نیا پاکستان بنانے کے خواہش مند ہیں۔ایک اور امریکی اخبار کا کہنا ہے کہ ممکنہ طور پر نواز شریف کے جیل جانے سے عمران خان پاکستان کے نئے وزیر اعظم بن سکتے ہیں۔
اسی طرح برطانوی اخبار انڈیپنڈنٹ نے بھی عمران خان کی پاکستان کے اگلے وزیر اعظم بننے کی پیشگوئی کردی ہے۔گلف نیوز کا کہنا ہے کہ عمران خان، شہباز شریف اور بلاول بھٹو انتخابات میں سیاسی طاقت کی جنگ لڑنے کے لیے تیار ہیں جب کہ بھارتی میڈیا کے مطابق حالیہ سرویز میں عمران خان نے نواز شریف کو عوامی مقبولیت میں پیچھے چھوڑ دیا ہےاور وہ ممکنہ طور پر وزیر اعظم پاکستان بن سکتے ہیں۔
