اسلام آباد (مانیٹرنگ ڈیسک) معروف صحافی و کالم نویس حامد میر نے ایک نجی ٹی وی چینل کے پروگرام میں گفتگو کرتے ہوئے کہا کہ فرض کریں کہ پیپلز پارٹی کے پاس سندھ میں اکثریت آ جاتی ہے لیکن پیپلز پارٹی کہہ دیتی ہے کہ ہم سے چونکہ ہماری سیٹیں چھینی گئی ہیں تو ہم نہیں حکومت بناتے، جائیں آپ سندھ خود چلا لیں۔ معروف صحافی نے کہا کہ اسی طرح پنجاب میں بھی مسلم لیگ ن یہ کہہ دے کہ آپ پنجاب خود چلائیں تو کیا ہو گا؟ اس موقع پر صحافی محمد مالک نے کہا کہ آپ نے

جو ابھی بات کی ہے، میں نے سنا ہے کہ زرداری صاحب نے کسی کو یہ تڑی بھی لگائی ہے کہ سندھ چلا سکتے ہیں تو چلا کر دکھا دیں۔ اس کے جواب میں معروف صحافی حامد میر نے کہا کہ مجھے اس بارے میں علم نہیں ہے مگر یہ بات طے ہے کہ اگر عمران خان نے وزیر اعظم بننا ہے تو اس کو پیپلز پارٹی کی مدد چاہیے اور اگر عمران خان کو وزیراعظم بننے میں پیپلز پارٹی مدد نہیں کرتی تو پھر اسے ن لیگ کے بندے توڑنا پڑیں گے اور لوٹے بنا کر اپنی جماعت میں لانے ہوں گے۔