اسلام آباد(سی پی پی)پاکستان تحریک انصاف کے رہنما شفقت محمود نے وضاحت کی ہے کہ میراختم نبوت ترمیم سے کوئی تعلق نہیں، میرے خلاف پراپیگنڈہ کیاجارہاہے۔میڈیا سے گفتگو کرتے ہوئے پاکستان تحریک انصاف کے رہنما شفقت محمود کا کہنا تھا کہ (ن)لیگ کوہارنظرآرہی ہے اس لیے دھاندلی کاشورمچارکھاہے۔
نوازشریف کے جیل جانے سے(ن)لیگ ہمدردی لیناچاہتی ہے لیکن عوام 25جولائی کو صرف بلے پر مہر لگائیں گے ،عوام مسلم لیگ (ن)کو مسترد کر چکی ہے۔ان کا مزید کہنا تھا کہ میرے خلاف پراپیگنڈہ کیاجارہاہے کہ ختم نبوت ترمیم میں میراحصہ تھا،یہ ڈرامہ انتخابات کیلئے کیاجارہاہے،میراایسی ترمیم سے کوئی تعلق نہیں۔
