اسلام آباد(آن لائن)نواز شریف کے خلاف غداری کا مقدمہ درج کرنے کے لئے اسلام ہائیکورٹ میں درخواست دائر کردی گئی،یہ درخواست پاکستانی شہری بسمہ نوریں نے ہائیکورٹ میں دائر کی،درخواست میں وفاق، وزیر خارجہ، وزیر داخلہ، ڈی جی آئی ایس آئی، کور کمانڈر، اور نااہل وزیراعظم نواز شریف کو فریق بنایا گیا ہے،درخواست اسلام آباد ہائیکورٹ کے رجسٹرار آفس نے وصول کر لی ہے۔

درخواست میں کہا گیا ہے کہ 2013 کے عام انتخابات میں نوازشریف کو جتوانے میں بھارت اور انٹرنیشنل اسٹیبلشمنٹ ملوث تھی۔درخواست میں مزید کہا گیا کہ گجرات میں ہزاروں مسلمانوں کے قاتل اور پاکستان دشمن نعرے پر ووٹ لینے والے نریندر مودی کی تقریب حلف برداری میں نواز شریف کی شرکت کرنا ملک دشمنی ہے،نواز شریف نے ملک کی سالمیت کو نقصان پہنچایا،نواز شریف آرٹیکل 6 کے مرتکب ہوئے ہیں۔