اسلام آباد(مانیٹرنگ ڈیسک)نگران حکومت نے گھٹنے ٹیک دئیے، ن لیگ کی قیادت سے مذاکرات کا اعلان۔ تفصیلات کے مطابق نگران صوبائی وزیر داخلہ شوکت جاوید نے پریس کانفرنس کرتے ہوئے کہا ہے کہ ن لیگ کی قیادت سے مذاکرات کے ذریعے مسئلہ حل کرنا چاہتے ہیں اور اس سلسلے میں ن لیگ کی قیادت کیساتھ رابطے میں ہیں۔ شوکت جاوید کا کہنا تھا کہ حکومت اس وقت تک
فورس استعمال نہیں کریگی جب تک توڑ پھوڑ یا نقص امن کا خطرہ نہ ہو۔ شوکت جاوید کا کہنا تھا کہ موبائل سروس اس لئے بند کی ہے کہ دہشتگرد کسی بھی قسم کی کوئی خطرناک کارروائی نہ کر سکیں کیونکہ دھماکوں وغیرہ میں اس موبائل وغیرہ استعمال کرتے ہیں۔ شوکت جاوید کا کہنا تھا کہ ہم یقین دلانا چاہتے ہیں کہ نگران حکومت غیر جانبدار ہے اور ہمارے اقدامات کا مقصد صرف قانون پر عملدرآمد کروانا ہے۔ اس حوالے سے وفاقی حکومت کیساتھ بھی مکمل رابطے میں ہیں۔ شوکت جاوید نے اس موقع پر کہا لاہور عبداللہ گل انٹرچینج سے آگے کسی نے جانے کی کوشش کی تو پھرقانون حرکت میں آئے گا۔ ن لیگ کی جانب سے ریلی کی اجازت حاصل نہیں کی گئی اور انتظامیہ اور حکومت نے اس کو غیر قانونی قرار دے دیا ہے۔ تمام راستے کھول دئیے گئے ہیں قانون صرف خلاف ورزی پر حرکت میں آئے گا۔ اس موقع پر وہاں موجود صوبائی وزیر خزانہ اینڈ ٹیکسیشن حیدر رضوی کا کہنا تھا کہ کسی بھی ناخوشگوار واقعہ سے بچنے کی کوشش کر رہے ہیں اور کوشش ہے کہ ماڈل ٹائون جیسا کوئی واقعہ پیش نہ آئے۔ اس موقع پر شوکت جاوید کا کہنا تھا کہ پکڑ دھکڑ صرف نچلی سطح پرکی گئی ہے اور صرف کارکنوں کو پکڑا گیا ہے جن کو لاہور ہائیکورٹ کے آج کے فیصلے کی روشنی میں چھوڑدیا جائے گا۔صوبائی وزیر خزانہ اینڈ ٹیکسیشن حیدر رضوی کا کہنا تھا کہ کسی بھی ناخوشگوار واقعہ سے بچنے کی کوشش کر رہے ہیں اور کوشش ہے کہ ماڈل ٹائون جیسا کوئی واقعہ پیش نہ آئے۔
