نوازشریف اور مریم نواز وطن واپسی کے لئے گھر سے ایئرپورٹ کے لئے روانگی ، اسحاق ڈار اور حسین نواز نے گلے لگا کر الوداع کیا ، تمام اہلخانہ آبدیدہ ، رقت آمیز مناظر

  جمعہ‬‮ 13 جولائی‬‮ 2018  |  0:32

لندن(نیوز ڈیسک)مسلم لیگ (ن) کے قائد میاں محمد نوازشریف اور مریم نواز وطن واپسی کے لئے گھر سے روانہ ہوئے تو اس دوران سابق وزیر خزانہ اسحاق ڈار اور حسین نواز نے انہیں گلے لگا کر الوداع کیا ، اس دوران تمام اہلخانہ آبدیدہ ہوگئے۔تفصیلات کے مطابق جمعرات کی شب جب مسلم لیگ (ن) کے قائد اور سابق وزیراعظم نوازشریف جب اپنی صاحبزادی مریم نواز شریف کے ہمراہ وطن واپسی کیلئے لندن کے ہیتھرو ایئرپورٹ جانے لگے تو اس دوران ایون فلیٹس میں وہ ہر ایک سے گلے مل کر رخصت ہوئے۔ اس موقع پر سابق وفاقی وزیر خزانہ اسحاق ڈار

اور نوازشریف کے بڑے صاحبزادے حسین نوازسے گلے ملے اور انہیں خدا حافظ کہا۔ اس موقع پر حسین نواز نے اپنی بہن کو پیار کیا اور سر پر ہاتھ رکھا۔ نوازشریف کو رخصت کرتے ہوئے تمام اہلخانہ اور دیگر افراد آبدیدہ ہوگئے تاہم نوازشریف اور مریم نواز وطن واپسی کے حوالے سے انتہائی پرعزم تھے۔

موضوعات:

آج کی سب سے زیادہ پڑھی جانے والی خبریں