اسلام آباد (مانیٹرنگ ڈیسک) سینئر صحافی نصرت جاوید نے ایک نجی ٹی وی چینل کے پروگرام میں گفتگو کرتے ہوئے کہاکہ مجھے ایسا لگتا ہے کہ میاں نواز شریف وطن واپس نہیں آ رہے ہیں، سینئر صحافی نصرت جاوید نے کہا کہ میاں نواز شریف اور مریم نواز کا ابوظہبی میں سات گھنٹے کا قیام ہے انہوں نے کہا کہ اس قیام کا ایک نیا زاویہ سامنے آیا ہے، نصرت جاوید نے کہا کہ تازہ ترین بات یہ ہے کہ میاں نواز شریف اور مریم نواز کا کیونکہ ابوظہبی سات گھنٹے کا قیام ہے اس لیے وہ وہاں رک جائیں

گے، سینئر صحافی نے کہا کہ اگر ان سات گھنٹوں میں یہ لوگ ائیر پورٹ سے باہر آتے ہیں تو ہو سکتا ہے کہ ائیر پورٹ کے باہر ایک بہت اچھی گاڑی موجود ہو اور وہاں سے وہ کسی محل میں چلے جائیں اور تو اور اس محل میں کوئی اور بھی ان کے لیے منتظر ہوتا ہے، جس سے وہ ملاقات کرتے ہیں۔ سینئر صحافی نے کہا کہ میاں نواز شریف کی طرف سے ایسی امیدیں بنائی جا رہی ہیں، انہوں نے کہا کہ اگر میاں نواز شریف لندن سے چل پڑے اور ان کا ابوظہبی میں قیام سات گھنٹے کی بجائے چودہ گھنٹے بھی ہو گیا تو بھی انہیں آنا ہی پڑے گا۔