اسلام آباد (نیوز ڈیسک) نیب راولپنڈی نے احتساب عدالت کی طرف سے ایون فیلڈ ریفرنس کے فیصلے کی روشنی میں کیپٹن(ر)صفدر کی گرفتاری کیلئے خصوصی ٹیم تشکیل دے دی جو کیپٹن(ر)صفدر کو گرفتار کرنے کیلئے ان کے آبائی علاقے میں روانہ کر دی گئی ہے۔ جمعہ کو احتساب عدالت کی طرف سے
سنائے گئے ایون فیلڈ ریفرنس فیصلے کے بعد نیب راولپنڈی میں ایک اہم اجلاس ہوا، جس میں کیپٹن(ر)صفدر کی فوری گرفتاری کا فیصلہ کیا گیا اور اس کیلئے ایک خصوصی ٹیم تشکیل دی گئی جو ان کے آبائی علاقے کی طرف روانہ کر دی گئی ہے، یہ ٹیم مقامی پولیس کی معاونت سے روانہ کی گئی ہے۔
