لندن (نیوز ڈیسک) سابق وزیراعظم محمد نواز شریف کی صاحبزادی مریم نواز نے کہاہے کہ احتساب عدالت کے فیصلے کے بعد ہم نہ پریشان ہیں نہ فکر مند ، کوئی چینل سر جھکی اور پریشان دکھانے والی مضحکہ خیز تصاویر مت دکھائے۔ جمعہ کو اسلام آباد کی احتساب عدالت کے فیصلے کے بعد مریم نواز نے اپنے ٹوئٹ میں کہا کہ نواز شریف اور میں نہ ہی پریشان ہیں نہ فکر مند ، اللہ پر بھروسہ رکھتے ہیں۔
مریم نواز نے کہا کہ کوئی چینل سر جھکی اور پریشان دکھانے والی مضحکہ خیز تصاویر مت دکھائے۔ مریم نواز نے سورۃ آل عمران کی ایک آیت کا عکس پوسٹ کرتے ہوئے کہا کہ ’فیصلے اللہ کے چلتے ہیں سازشیوں کے نہیں‘ ۔ مریم نواز نے کہا کہ نواز شریف آرہاہے تبھی تو اس کو روکنے کی سرتوڑ کوششیں کی جا رہی تھیں اور یہ آخری کوشش تھی۔ انشاء اللہ پہلے کی طرح ان کو ناکامی ہوگی۔
