اسلام آباد (مانیٹرنگ ڈیسک) تحریک انصاف کے چیئرمین عمران خان ایک نجی ٹی وی چینل کے پروگرام میں گفتگو کرتے ہوئے کہاکہ اگر اللہ نے مجھے حکومت دی تو نواز شریف کو جیل میں ڈالوں گا اور نہ ڈال سکا تو میں پھر ساری جیل کھول دوں گا یہ جو غریب لوگ بھرے ہوئے ہیں جیلوں میں۔ ان سب کی چوری اگر اکٹھی بھی کر لیں تو ان لوگوں نے جو ایک ہاتھ مارا ہوا ہے وہ اس سے زیادہ ہے۔ پروگرام کی میزبان ثنا بچہ نے سوال کیا کہ مریم نواز نے کہا ہے کہ ایک دھرنا لاہور سے اسلام آباد
آ سکتا ہے تو اگر آپ کی پچیس چھبیس جولائی کے بعد اگر ڈی چوک پر دھرنا ہو جاتا ہے اور ساری مشینری لاک ہو جاتی ہے تو آپ کیا کریں گے، جس کے جواب میں عمران خان نے کہا کہ ن لیگ نے دھرنا دیا تو انہیں کھانا پینا دیں گے، عمران خان نے کہا کہ اگر ہماری حکومت ہوئی اور انہوں نے دھرنا دیا تو میں اپنے کارکنوں سے کہوں گا کہ ان کی خاطر تواضع کریں، عمران خان نے کہا کہ اگر یہ ایک ہفتہ ڈی چوک میں گزار گئے جہاں ہم نے 126 دن گزارے ہیں تو میں ان کو مان جاؤں گا۔
