اسلام آباد (مانیٹرنگ ڈیسک) پاکستان آرمی چیف جنرل قمر جاوید باوجوہ نے 12 خطرناک دہشت گردوں کی سزائے موت کی توثیق کر دی ہے، آئی ایس پی آر کے مطابق آرمی چیف نے چھ دہشت گردوں کی قید کی سزا کی بھی توثیق کر دی ہے، یہ دہشت گرد شہریوں اور مسلح افواج پر حملوں میں ملوث تھے، دہشت گردوں ے مرکزی امام بارگاہ پارہ چنار
پر بھی حملہ کیا تھا، آئی ایس پی آر کے مطابق یہ دہشت گرد آٹھ جوانوں اور 26 شہریوں کے قتل میں بھی ملوث تھے، دہشت گردوں کے قبضے سے اسلحہ و دھماکہ خیز مواد بھی برآمد ہوا تھا، ان دہشت گردوں پر خصوصی عدالت میں مقدمات چلائے گئے۔ آئی ایس پی آر کے مطابق شہری احسان اللہ کو بے قصور ہونے پر رہا کر دیا گیا ہے۔
