راولپنڈی (مانیٹرنگ ڈیسک) کرپشن الزام میں گرفتار این اے 59 کے امیدوارقمر الاسلام کے بیٹے سالار الاسلام نے کہا ہے کہ 25 جولائی کو ووٹ کی چابی سے قمر الاسلام کی ہتھکڑی کھولیں گے آپ سب نے قمر الاسلام راجا بن کر میرا ساتھ دینا ہے۔

سالار الاسلام نے اپنے والد کی انتخابی مہم کے سلسلے میں چوک پنڈوری میں انتخابی دفتر کا افتتاح کرنے کے بعد خطاب کرتے ہوئے کہا ہے کہ 25 جولائی کو ووٹ کی چابی سے قمر الاسلام کی ہتھکڑی کھولیں گے اور آپ سب نے قمر الاسلام بن کر میرا ساتھ دینا ہے،ان کا کہناتھا کہ مخالفین کو بتانا ہے کہ ہم حق پر ہیں،میرے والد نے بھی میری یہی تربیت کی کہ حق بات کروں۔