اسلام آباد (مانیٹرنگ ڈیسک) سابق وزیراعظم میاں محمد نواز شریف کی صاحبزادی مریم نواز نے اپنے آبائی حلقے سے دوبارہ میدان میں اترنے کا اعلان کر دیا ہے، ایک نجی ٹی وی چینل کی رپورٹ کے مطابق مریم نواز حلقہ این اے 125 سے آزاد حیثیت انتخابات میں حصہ لیں گی، الیکشن کمیشن نے انہیں ’’پینسل‘‘ انتخابی نشان دیا ہے۔
نجی ٹی وی چینل کی رپورٹ کے مطابق مریم نواز نے حلقہ 125 سے آزاد حیثیت میں کاغذات نامزدگی جمع کرا رکھے تھے جو وہ واپس نہیں لے سکی جس کی وجہ سے ریٹرننگ آفیسر آصف بشیر نے انہیں پینسل انتخابی نشان الاٹ کردیا ہے۔ مریم نواز کے وکیل نے گفتگو کرتے ہوئے کہا کہ میں کاغذات واپس لینے گیا مگر دیر ہو گئی۔
