اسلام آباد (نیوز ڈیسک) پاک افغان دو روزہ غیر رسمی مذاکرات اختتام پذیر سفارشات کی بنیاد پر دونوں ممالک کی رضا مندی سے ا علامیہ جاری کردیا گیا۔ اعلامیہ کے مطابق دونوں ممالک ایک دوسرے کو مراعات دینے کے پابند ہوں گے۔ افغانستان کے اندرونی مسدائل کو حل کرنے کی کوشش کی جائے گی۔ پاکستان اور افغان انٹیلی جنس ایجنسیوں کے درمیان ماہانہ اجلاس منعقد کئے جائیں گے۔ تفصیلات کے مطابق جمعہ کے روز اسلام آباد میں پاکستان اور افغانستان کے آپس میں امن مذاکرات ختم ہوئے۔ اجلاس کے
اختتام پر ایک اعلامیہ جاری کیا گیا جس میں دونوں ممالک اپنے مسائل کو حل کرنے کی کوشش کریں گے افغانستان اور طالبان حکومت ایک دوسرے کو مراعات دیں گے۔ اس کے علاوہ علامیہ میں کہا گیا امریکہ کو افغان طالبان سے مذاکرات کا آغاز کرنا ہوگا۔ افغان حکومت کو امریکہ اور طالبان سے خوفزدہ ہونے کی ضرورت نہیں اور افغانستان اور طالبان کے درمیان معاہدہ کچھ لو کچھ دو کی بنیاد پر کیا گیا ۔ اعلامیہ میں یہ بھی کہا گیا کہ افغان حکومت کے لئے امریکی اورنیٹو فوج کو نکالنے کا عمل ناپسند ہوگا۔
