لاہور (نیوز ڈیسک) 29 جون کو لاہور ہائی کورٹ میں بغاوت کے مقدمے میں مسلم لیگ (ن) کے قائد میاں محمد نواز شریف اور سابق وزیراعظم شاہد خاقان عباسی کو طلب کر لیا گیا ہے۔ میاں نواز شریف اور شاہد خاقان عباسی کے خلاف بغاوت کا مقدمہ درج کرنے کے لیے درخواست ایڈووکیٹ اظہر صدیق نے لاہور ہائی کورٹ میں دائر کی تھی، ایڈووکیٹ اظہر صدیق کی جانب سے اس درخواست میں عدالت سے استدعا کی گئی تھی کہ سابق وزیراعظم میاں نواز شریف

نے ملک مخالف متنازع انٹرویو دے کر قوم سے غداری کی تھی جس پر آرٹیکل 6 کے تحت سابق وزراء اعظم میاں نواز شریف اور شاہد خاقان عباسی پر مقدمہ درج ہونا چاہیے۔ درخواست میں موقف اختیار کیا گیا کہ میاں نواز شریف کا انٹرویو متنازعہ اور بغاوت کے زمرے میں آتا ہے اس لیے ان کے خلاف کارروائی ہونی چاہیے۔ اس درخواست پر لاہور ہائی کورٹ نے سابق وزراء اعظم میاں نواز شریف اور شاہد خاقان عباسی کو 29 جون کو طلب کر لیا ہے۔

موضوعات:نواز شریف اور شاہد خاقان عباسی