راولپنڈی (مانیٹرنگ ڈیسک)ڈی جی آئی ایس پی آر میجر جنرل آصف غفور کا خوبصورت پاکستان کا حقیقی چہرہ پیش کرنے کیلئے تصویری مقابلہ کرانے کا اعلان۔تفصیلات کے مطابق میجر جنرل آصف غفور کی جانب سے ٹوئٹر پر اپنے فالورز سے کہا گیا کہ وہ ان کے ٹویٹ کے جواب میں ایک ایسی تصویر پوسٹ کریں جس سے مثبت پاکستان کا چہرہ سامنے آئے۔
یہ مقابلہ 30 جون رات 12 بجے تک جاری رہے گا اور تین بہترین تصاویر کو انعام دیا جائے گا۔ڈی جی آئی ایس پی آر نے درخواست کی کہ ان کی اس پوسٹ کے جواب میں کوئی سیاست، غیر ملکی دشمنی یا منفی باتیں نہ کی جائیں ۔ ایسی پوسٹوں کو نظر انداز کردیا جائے گا۔
