اسلام آباد (مانیٹرنگ ڈیسک)پاکستان تحریک انصاف کے چیئرمین عمران خان نے کہا ہے کہ انہوں نے اپنے دوست زلفی بخاری کا نام ای سی ایل سے نکالنے کے لیے کسی کو فون نہیں کیا۔ایک ٹی وی انٹرویو میں چیئرمین پی ٹی آئی کا کہنا تھا کہ چیلنج دیتا ہوں کہ کوئی کہہ دے کہ زلفی کیلئے اعظم خان یا کسی کو فون کیا ہو۔عمران خان نے کہا کہ چارٹر طیارے کے ذریعے عمرے کے لیے جا کر کوئی غلط کام نہیں کیا۔

ستائیسویں شب کو جانا چاہتا تھا، چارٹر طیارہ نہ ہوتا تو عمرے پر جاتا ہی نہیں۔انہوں نے کہاکہ عوام کے ٹیکس کے پیسے یا چوری کے پیسے سے چارٹر طیارے پر نہیں گیا۔واضح رہے کہ نام ای سی ایل میں شامل ہونے پر زلفی بخاری کو جہاز میں سوار نہیں ہونے دیا گیا تھا اس کے بعد یہ خبریں بھی آئیں عمران جس جہاز پر سعودی عرب گئے اس کا ایک گھنٹے کا کرایہ 10لاکھ روپے ہے۔