اسلام آباد(مانیٹرنگ ڈیسک) اسلام آباد پولیس نے لال مسجد کے سابق خطیب مولانا عبدالعزیز کو لال مسجد میں ختم القرآن کے موقع پر خطاب کرنے سے ایک بار پھر روک دیا ہے ۔ایس ایچ او آبپارہ پولیس کی جانب سے مولانا عبدالعزیز کو جاری ہونے والے نوٹس کے مطابق مولانا عبدالعزیز کو آگاہ کیا گیا ہے کہ اس کا نام دہشت گردی کی لسٹ فورتھ شیڈول میں شامل ہے۔

ایس ایچ او کی اجازت کے بغیر کسی بھی اجتماع میں شرکت نہیں کر سکتے ۔نوٹس کے مطابق مولانا عبدالعزیز کو آگاہ کیا گیا ہے کہ آپ کسی بھی اجتماع میں شرکت کرنے سے باز رہیں بصورت دیگر آپ کے خلاف انسداد دہشت گردی ایکٹ کے تحت مقدمہ درج کر لیا جائے گا۔

موضوعات:مولانا عبدالعزیز