اسلام آباد (مانیٹرنگ ڈیسک)مجھے ریحام خان اور ان کی کتاب میں مجھ سمیت کسی سے بھی متعلق لکھی گئی گھناؤنی باتوں کے جواب میں کچھ نہیں کہنا۔مراد سعید نے اپنےاوپر لگنے والے الزامات کا جواب دیدیا۔ٹویٹر پر اپنے پیغام میں مراد سعید کا کہنا تھا کہ یہ سب اتنا شرمناک ہے کہ اسے الفاظ میں بیان نہیں کیا جا سکتا۔ صاف نظر آ رہا ہے کہ ریحام خان کی ان باتوں کے پیچھے کس کا ہاتھ ہے۔ ریحام خان اور ان کے مددگاروں نے تمام حدیں عبور کر دی ہیں۔
واضح رہے کہ ریحام خان نے اپنی کتاب میں عمران خان،حمزہ علی عباسی اور مراد سعید پر ہم جنس پرست ہونے کا الزام عائد کیا تھااور اپنی کتاب میں واضح طور پر لکھا ہے کہ عمران خان،مراد سعید اور حمزہ علی عباسی کے آپس میں تعلقات تھے۔ریحام خان نے اپنی کتاب میں لکھا کہ جب مراد سعید اور حمزہ علی عباسی بنی گالا آتے تھے تو وہ عمران خان سے تنہائی میں ملاقاتیں کرتے تھے۔ملازموں نے بھی اس کی تصدیق کی ہے۔