اسلام آباد (مانیٹرنگ ڈیسک) پی ٹی آئی رہنما عثمان ڈار نےایک ویڈیو فیس بک پر شیئر کی ہے جس میں ایک شخص جہاز میں موجود ہے اور وہ نماز ادا کر رہاہے ۔ساتھ ہی انہوں نے پیغام ’’یہ شخص جو کہ جہاز میں بھی نماز نہیں چھوڑتا کیسے غدار اور یہودی ہوسکتا ہے؟ سوشل میڈیا پر یہ ویڈیو تیزی کے ساتھ وائرل ہو رہی ہے جس کے بارے میں کہا جارہاہے یہ شخصیت عمران خان ہیں۔ تفصیلات کے مطابق فیس بک پر عثمان ڈار کی جانب سے شیئر کی گئی

ویڈیو میں دیکھا جا سکتا ہے کہ جہاز میں دوران فلائٹ عمران خان سفید کپڑوں میں ملبوس اپنی سیٹ  پربیٹھے  ہوئے ہیں اسی اثنامیں نماز کا وقت ہوجا تاہے ۔ کپتان بغیر کسی تاخیر کے اپنی نشست پر نمازپڑھنا شروع کردیتے ہیں ۔ یہ ویڈیو خفیہ طور پر بنا ئی گئی ہے۔ ویڈیو منظر عام پر آتے ہی اسے خوب سراہا جارہا ہے ۔واضح رہے کہ ویڈیو سے متعلق مزید کوئی تفصیلات جاری نہیں کی گئی کہ یہ ویڈیو کب کی ہے اور عمران خان کہاں سے کہاں جارہے ہیں ؟

موضوعات:عثمان ڈار