اسلام آباد(مانیٹرنگ ڈیسک)معروف صحافی اسد کھرل پر رات گئے نامعلوم افراد کا حملہ ،بدترین تشدد کا نشانہ بناڈالا جس سے وہ لہو لہان ہو گئے ، شدید زخمی حالت میں سروسز ہسپتال منتقل۔ تفصیلات کے مطابق گزشتہ رات درجن بھر نامعلوم افراد نے ائیرپورٹ کے قریب معروف صحافی اور نجی ٹی وی کے بیورو چیف اسد کھرل کو بدترین تشدد کا نشانہ بناڈالا جس سے ان کا سر پھٹ گیا اور دیگر چوٹیں بھی آئیں،نامعلوم
حملہ آوروں نے ائیرپورٹ کے قریب گاڑی روک کر اسد کھرل کو باہر نکالا اور بدترین تشدد کا نشانہ بنایا ۔اسد کھرل کو شدید زخمی حالت میں سروسز ہسپتال منتقل کر دیا گیا جہاں انہیں طبی امداد دی جا رہی ہے ۔دوسری طرف اسد کھرل نے اپنے اوپر ہونے والے حملے کا الزام مسلم لیگ ن پر عائد کرتے ہوئے کہا ہے کہ ان پر حملہ کرنے والوں کا تعلق ن لیگ سے تھا ۔ن لیگ کی جانب سے تاحال کوئی ردعمل سامنے نہیں آسکا۔
