لاہور( این این آئی )پاکستان ریلویز اپنی روایت کو بر قرار رکھتے ہوئے عیدالفطر پر مسافروں کیلئے کرایوں میں 30فیصد رعایت دے گا۔ پاکستان ریلویز کے ترجمان کے مطابق عید اور ٹرو دونوں دن تمام ٹرینوں کی تمام کلاسز پر کرایوں میں تیس فیصد رعایت دی جائے گی۔عید پیکج کا فیصلہ چیف ایگزیکٹو آفیسر پاکستان ریلویز آفتاب اکبر کی
زیر صدارت اجلاس میں کیا گیا جس میں اے جی ایم ٹریفک عبدالحمید رازی اور دیگر افسران کی شرکت۔سی ای او محمد آفتاب اکبر کے مطابق عیدالفطر پر پاکستان ریلویز ہم وطنوں کو ان کے پیاروں سے ملانے کے لئے اضافی ٹرینیں بھی چلائے گا۔ترجمان کے مطابق پاکستان ریلویز ایڈوانس بکنگ پر رمضان پیکج کے تحت کرایوں میں 20فیصد رعایت دے رہا ہے۔
