واشنگٹن (آئی این پی ) امریکہ نے پاکستان کیخلاف بھارتی صحافی کے الزامات کو مسترد کرتے ہوئے کہا ہے کہ پاکستان علاقائی سلامتی میں اہم کردار ادا کر رہا ہے، پاکستان اور افغانستان دونوں دہشتگردی سے متاثر ہوئے ، امریکہ افغانستان میں دہشتگردوں کی مالی معاونت رکوانے کیلئے کوششیں کر رہا ہے۔ تفصیلات کے مطابق امریکی محکمہ
دفاع پینٹاگون کی ترجمان ڈینا وائٹ نے کہا کہ پاکستان علاقائی سلامتی میں اہم کردار ادا کر رہا ہے۔ پاکستان اور افغانستان دونوں دہشتگردی سے متاثر ہوئے ہیں۔انہوں نے کہا کہ امریکہ افغانستان میں دہشتگردوں کی مالی معاونت رکوانے کیلئے کوششیں کر رہا ہے۔ ترجمان نے پاکستان کیخلاف ایک بھارتی صحافی کے الزامات کو بھی مسترد کر دیا ۔
