اسلام آباد (آن لائن) پاکستان تحریک انصاف کے سربراہ عمران خان نے کہا ہے کہ نواز شریف جدید دور کے میر جعفر ہیں غلط کام اور اپنی کرپشن چھپانے کے لیے نواز شریف ملک کے اداروں کو تباہ کررہے ہیں سماجی رابطے کی ویب سائیٹ ٹوئٹر پر اپنے پیغام میں چیئرمین تحریک انصاف عمران خان نے کہا کہ میر جعفر نے اپنے ذاتی مفاد کی خاطر برطانوی حکومت سے ملکر عوام کو غلام بنایا اب نواز شریف پاکستان کے خلاف مودی کی زبان بول

کر ملک کے اداروں کو تباہ اور ملک مین انتشار پیدا کرنا چاہتے ہیں نواز شریف کی اصلیت قوم کے سامنے واضح ہوچکی ہے وہ قوم کا مستقبل داؤ پر لگارہے ہیں انہوں نے کہا کہ نوازشریف تب کیوں نہیں بولے جب یہ خود اقتدار میں تھے تب ان کو یہ باتیں کیوں یاد نہیں آئی جبکہ نواز شریف کی کٹھ پتلی حکومت آج بھی اقتدار میں ہے عمران خان نے مزید کہا کہ نواز شریف پاکستان کے مستقبل سے کھلواڑ پر اتر آئے ہیں کیونکہ ان کی تو ساری دولت اور اولاد بیرون ملک مقیم ہے ۔دریں اثناء پاکستان تحریک انصاف کے ترجمان فواد چوہدری نے کہا ہے کہ نواز شریف سوچے سمجھے منصوبے کے تحت ملک دشمنوں کے ساتھ ملکر یہ کھیل کھیل رہے ہیں نواز شریف کے ملکی سالمیت کے خلاف بیان پر پاکستان تحریک انصاف کے ترجمان فواد چوہدری نے نجی ٹی وی پر اپنے رد عمل میں کہا ہے کہ سوچے سمجھے منصوبے کے تحت یہ سب کچھ کیا جارہا ہے اور ملک کے اداروں کو بدنام کرنے کی گھناونی سازش ہورہی ہے نواز شریف کا ایسے بیان دینے کا مقصد یہ ہے کہ ان کے خلاف تحقیقات کو روک دیا جائے اور انہیں کرپشن کرنے کی آزادی دی جائے ایسے بیان سے روہ اداروں کو یہ پیغام دینا چاہتے ہیں کہ ان کے احتساب کو ختم کیا جائے انہوں نے مزید کہا کہ نواز شریف کے بیان پر بھارت سے کل سے شور مچا ہوا ہے کہ نواز شریف نے مان لیا کہ بھارت حملوں میں پاکستان ملوث تھا۔