کراچی (سی پی پی )کراچی کے گھروں میں تو پانی نہ آیا لیکن واٹر ٹینکر ایپ آگئی، موبائل اٹھائیں، پیسہ دکھائیں اور ٹینکر منگوائیں، واٹر بورڈ نے نئی ایپ متعارف کرانے کا فیصلہ کرلیا ہے ۔ایم ڈی واٹر بورڈ کے مطابق شہری گھر بیٹھے ٹینکر منگواسکیں گے، جس کی قیمت، بھی ایپ میں درج ہوگی جبکہ واٹر ٹینکر کا نمبر، ڈرائیور کا نام اور موبائل نمبر بھی شامل ہوگا۔اس سے قبل واٹر بورڈ نے آن لائن واٹر ٹینکر سروس کا آغاز کیا تھا،

جس کے تحت ایک فون کال پر شہریوں کو پانی کا ٹینکر دستیاب ہوگا۔ آن لائن سینٹر کیلئے 99245152 ، 99245178 ، 99240802 نمبر دیئے گئے تھے جن پر شہری صبح 9 بجے سے شام 5 بجے تک اپنے ٹینکرز فراہم کرنے کی درخواست درج کروا سکتے تھے۔جبکہ شہریوں کو مقررہ نرخ سے زائد رقم طلب کرنے پر ٹینکر کا نمبر فون نمبر 021-99245020 پر درج کرانے کی ہدایت کی گئی تھی۔

موضوعات:کراچی واٹر ٹینکر