اسلام آباد (آن لائن ) چیئرمین نیب کو ہٹانے کی مسلم لیگ ن کی درخواست مسترد ، نواز شریف کے بیرون ملک رقم منقل کرنے کے معاملے پر نیب کی جانب سے جاری ہونے والے اعلامیے کے بعد مسلم لیگ ن جاپان کے صدر نور اعوان کی جانب سے سپریم کورٹ میں ایک آئینی درخواست دائر کی گئی تھی جس میں چیئرمین نیب کو ہٹانے کی استدعا کرتے ہوئے موقف اختیار کیا گیا تھا کہ چیئرمین نیب کا رویہ جانبدارانہ ہے ،چیئرمین نیب کی جانب
سے نواز شریف کیخلاف جھوٹی من گھڑت خبر پر اعلامیے کے اجراء پر ادارے کی ساکھ متاثر ہوئی ہے ، چیئرمین نیب اور ادارہ سابق وزیراعظم نواز شریف سے معافی مانگے اور غیر زمہ داری کے مظاہرے پر چیئرمین نیب کو عہدے سے ہٹایا جائے، تاہم رجسٹرار سپریم کورٹ نے اعتراض عائد کرتے ہوئے کہا کہ درخواست گزار نے اس معاملے پر کسی مناسب فورم سے رجوع نہیں کیا فراہم کیا گیا سرٹیفکیٹ سپریم کورٹ رولز کے مطابق نہیں ۔
