اسلام آباد(مانیٹرنگ ڈیسک)لاہور میں طیارہ آبادی میں گر کر تباہ ، حادثے میں پائلٹ محفوظ رہا۔ تفصیلات کے مطابق لاہور کے علاقہ گارڈن ٹائون میں ایک تربیتی طیارہ گھر کی بیرونی دیوار پر گر کر تباہ ہو گیا ہے جبکہ حادثے میں طیارے کا پائلٹ محفوظ رہا۔ گر کر تباہ ہونے والے طیارے کے پائلٹ ڈائریکٹر آپریشنز فلائنگ کلب فہیم تھے جب کہ پرواز میں ان کے ہمراہ ٹرینی عامر بھی موجود تھے۔
حادثے کے بعد ڈائریکٹر آپریشنز فلائنگ کلب فہیم کا کہنا تھا کہ ٹیک آف کرنے کے بعد طیارے کا توازن بگڑ گیا تھا جس کے باعث حادثہ پیش آیا۔ حادثے کی اطلاع موصول ہوتے ہی ریسکیو ٹیم جائے حادثہ پر پہنچ گئیں۔ ریسکیو ٹیم نے جائے حادثہ پر پہنچ کر طیارے میں لگی آگ کو بُجھایا۔ طیارہ حادثے میں ایک شخص کے معمولی زخمی ہونے کی بھی اطلاعات ہیں جسے طبی امداد دی جا رہی ہے۔
