اسلام آباد (نیوز ڈیسک) پیپلز پارٹی کی رہنما اور سابق سپیکر قومی اسمبلی فہمیدہ مرزا کا تحریک انصاف میں شامل ہونے کا انکشاف، ایک موقر قومی اخبار کا کہنا ہے کہ اس بات کا انکشاف ایک نجی ٹی وی چینل کے پروگرام میں تحریک انصاف کے رہنما چوہدری سرور نے کیا ہے، نبیل گبول نے اس انکشاف پر کہا کہ ایسی کوئی خبر
سننے میں نہیں آئی ہے جس کے جواب میں چوہدری سرور نے کہا کہ ابھی میں اپنی خبر کی تصدیق نہیں کر سکتا۔ ایک نجی ٹی وی چینل نے بتایا کہ تحریک انصاف کے سندھ میں مرزا فیملی کے ساتھ معاملات طے پا گئے ہیں ٹی وی رپورٹ کے مطابق ذوالفقار مرزا اور فہمیدہ مرزا تحریک انصاف میں شامل ہونے کے لیے رضا مند ہیں۔
