اسلام آباد(مانیٹرنگ ڈیسک) سائلین نے چیف جسٹس کے قافلے کو روک لیا، جسٹس ثاقب نثار کے حق میں نعرے بازی، سائلین کی داد رسی کی اپیل پر چیف جسٹس نے دوبارہ عدالت لگا لی۔ تفصیلات کے مطابق چیف جسٹس آف پاکستان جسٹس ثاقب نثار سپریم کورٹ لاہور رجسٹری میں مقدمات کی سماعت کے بعد
اپنے کانوائے کے ہمراہ عدالت سے روانہ ہوئے تو سپریم کورٹ لاہور رجسٹری کے باہر سائلین نے چیف جسٹس کے قافلے کو روک لیا اور ان کے حق میں نعرے بازی کی۔ سائلین نے چیف جسٹس سے اپیل کی کہ ان کی داد رسی کی جائے جس پر چیف جسٹس آف پاکستان نے تمام سائلین کوعدالت بلالیااور دوبارہ عدالت لگا لی۔
