اسلام آباد/راولپنڈی(بیورورپورٹ، مانیٹرنگ ڈیسک، نیوز ایجنسیاں) دشمن قوتیں غیریقینی صو رتحال پیدا کرنیکی کوشش کررہی ہیں لہٰذا یہ وقت دشمن قوتوں سے خبردار رہنے کا ہے، ڈی جی آئی ایس پی آر میجر جنرل آصف غفور ۔ تفصیلات کے مطابق ترجمان پاک فوج نے قوم کو انتباہ جاری کرتے ہوئے کہا ہے کہ دشمن قوتیں غیریقینی صو رتحال پیدا کرنیکی کوشش کررہی ہیں لہٰذا یہ وقت دشمن قوتوں سے خبردار رہنے کا ہے۔
اپنے بیان میں میجر جنرل آصف غفور کا کہنا تھا کہ قبائلیوں کی اقتصادی بحالی اولین ترجیح ہے، فاٹا کوقومی دھارے میں لانا قبائل کوبااختیار بنانے اور خوشحالی کیلئے اہم ہے ۔انہوں نے دشمن قوتوں کے ارادوں سے قوم کو خبردار کرتے ہوئے پاکستان کے دفاع اور ترقی و خوشحالی کے عزم کا ارادہ کرتے ہوئے کہا کہ انشاء اللہ دشمن قوتیں کبھی کامیاب نہیں ہوں گی، یہ ہمارا گھر ہے، مل کر رفتہ رفتہ مکمل امن لائیں گے۔
