اسلام آباد (مانیٹرنگ ڈیسک)حکمران جماعت پاکستان مسلم لیگ( ن) نے اپنا آفیشل چینل متعارف کروا دیا ۔ ٹویٹر پر اپنے پیغام میں مریم نواز نے یوٹیوب پر بنے پاکستان مسلم لیگ ن کے آفیشل چینل کا اعلان کیا اور لکھا کہ اس چینل کو سبسکرائب کیجئیے۔پاکستان مسلم لیگ ن کے اس چینل پر حکومتی جماعت
سے متعلق تمام تر ویڈیوز اور خبریں اپ لوڈ کی جائیں گی۔ اب تک اس چینل کو 6 ہزار سے زائد افراد سبسکرائب کر چکے ہیں۔جس میں مسلسل اضافہ ہو رہا ہے۔واضح رہے کہ مسلم لیگ ن کا سوشل میڈیا سیل پہلے سے ہی ایکٹو ہے جس کے ذریعے پارٹی کی تمام سرگرمیوں کی تشہیر کی جاتی ہے ۔
