اسلام آباد(مانیٹرنگ ڈیسک)سانحہ ماڈل ٹائون کیس میں عدالت نے پہلی گرفتاری کا حکم جاری کر دیا۔ تفصیلات کے مطابق سانحہ ماڈل ٹائون کیس کی انسداد دہشتگردی عدالت میں سماعت ہوئی ۔ ڈی آئی جی رانا عبدالجبار طلبی کے باوجودعدالت میں پیش نہ ہوئے۔عدالت نے ڈی آئی جی رانا عبدالجبار کی گرفتاری کا حکم دے دیا اوروارنٹ گرفتاری بھی
جاری کر دیئے۔واضح رہے کہ عدالت نے مسلسل عدم پیشی پر ڈی آئی جی رانا عبدالجبار کو اشتہاری قراردے رکھا ہے، واضح رہے کہ چیف جسٹس ثاقب نثار نےمتاثرین سانحہ ماڈل ٹائون کو انصاف کی فراہمی میں تاخیر پر ازخودنوٹس لیا تھا اورانسداد دہشتگردی عدالت کے جج کو تمام مقدمات چھوڑ کر سانحہ ماڈل ٹائون کیس کی سماعت کرنے کا حکم دیاتھا۔
