لاہور ( این این آئی) پنجاب کو تین صوبوں میں تقسیم کرنے سے متعلق ریفرنڈم کرانے کیلئے لاہور ہائیکورٹ میں درخواست دائر کر دی گئی۔تحریک انقلاب کے سربراہ رانا علم الدین غازی کی جانب سے دائر درخواست میں کہا گیا ہے کہ پنجاب کے دور دراز علاقوں میں رہنے والے شہریوں کووسائل کی مساوی تقسیم اور سیاسی حقوق میسر نہیں،
نئے صوبے نہ بننے سے پنجاب کا محروم طبقہ پس رہا ہے، ان کو سیاسی اور آئین کے تحت شہری حقوق بھی میسر نہیں۔پنجاب میں لاہور ہائیکورٹ کے علاقائی بنچز کی طرز پر تین نئے صوبے قائم ہونے چاہئیں۔ لہٰذا معزز عدالت سے استدعا ہے کہ پنجاب کی تین صوبوں میں تقسیم سے متعلق عوامی سروے کرانے کے احکامات صادر کیے جائیں۔
