اسلام آباد (مانیٹرنگ ڈیسک) معروف صحافی و تجزیہ کار محمد مالک نے ایک نجی ٹی وی چینل کے پروگرام میں بات چیت کرتے ہوئے کہا کہ سابق وزیراعظم نواز شریف کو تاحیات نااہل کر دیا گیا جس پر مریم نواز خوب گرجی برسیں۔ انہوں نے مزید کہا کہ مگر اب ان کے چھوٹے بھائی شہباز شریف کے گرد بھی گھیرا تنگ ہونے والا ہے، اب سپریم کورٹ نے سانحہ ماڈل ٹاؤن پر انسداد دہشت گردی کو حکم دیا ہے کہ اس کیس کی سماعت روزانہ کی بنیاد پر کی جائے۔ محمد مالک نے کہا کہ انسداد دہشت گردی عدالت کے رخصت

پر گئے ہوئے ججز کی چھٹیاں بھی کینسل کر دی گئی ہیں اور کہا گیا ہے کہ ماڈل ٹاؤن کیس کی روزانہ کی بنیاد پر سماعت کی جائے، اس طرح اب میاں نواز شریف کے بعد شہباز شریف کی مشکلات میں بھی اضافہ ہو گیا ہے، معروف صحافی نے گفتگو کرتے ہوئے کہا کہ پہلے ایسا تاثر پایا جا رہا تھا کہ اسٹیبلشمنٹ شہباز شریف کے ساتھ مل کر کام کر سکتی ہے اور اسی لیے انہیں محفوظ رکھا جا رہا ہے مگر اب یہ تاثر ختم ہوتا ہوا نظر آ رہا ہے۔اب لگتا ایسا ہے کہ شہباز شریف کے بھی برے دن شروع ہونے والے ہیں۔