لاہور (آن لائن)لاہور ہائیکورٹ کے جسٹس شاہد کریم نے سابق فوجی صدر پرویز مشرف کو ان کی پارٹی آل پاکستان مسلم لیگ کی صدارت کے عہدے سے ہٹانے کیلئے درخواست کو ناقابل سماعت قرار دے کر مسترد کر دیا ہے۔ جس میں سابق فوجی صدر کے سیاسی جماعت کی صدارت کا عہدہ رکھنے کے اقدام کو چیلنج کیا گیا ہے۔ لاہور ہائیکورٹ نے
قرار دیا کہ درخواست گزار متاثرہ فریق نہیں ہے اور نہ ہی درخواست گزار نے متعلقہ فورم سے رجوع کیا ہے۔درخواست میں نشاندہی کی گئی کہ آئین کے آرٹیکل 62 اور 63 کے تحت پرویز مشرف کو 2013 کے انتخابات میں نا اہل قرار دیا گیا اور نااہلی کی وجہ سے پولیٹیکل پارٹیز آرڈر اینڈ رولز کے تحت نا اہل قرار دیئے جانے والا شخص پارٹی صدر نہیں بن سکتا۔
