اسلام آباد(آن لائن) اسلام آباد جوڈیشل کمپلیکس میں اڈیالہ جیل سے پیشی پر لائے گئے قیدیوں نے ’’گونواز گو ‘‘ کے نعرے لگا دیئے جبکہ ہاتھ سے بنے گو نواز گو کے نعرے والے پوسٹرز میڈیا نمائندو ں کی طرف پھینکتے ہوئے قیدیوں نے اپنی آواز عوام اور حکومت تک پہنچانے کا مطالبہ کیا ہے ۔ تفصیلات کے مطابق منگل کے روز اسلام آباد جوڈیشل کمپلیکس میں اس وقت دلچسپ صورت
حال پیدا ہو گئی جب اڈیالہ جیل سے پیشی پر لائے گئے قیدیوں نے گونواز گو کے نعرے لگانا شروع کر دیئے ۔ قیدی بار کی کھڑی سے ہاتھ سے بنے گو نواز گو کے نعرے والے پوسٹرز میڈیا نمائندوں کی طرف پھینکتے ہوئے بلند آواز میں مطالبہ کیا کہ ہماری آواز عوام اور حکومت تک پہنچائی جائے تاہم پولیس اہلکاروں کی طرف سے منع کرنے اور کافی تگ و دو کے بعد صورت ہال پر قابو پا لیا گیا ۔
