اسلام آباد (مانیٹرنگ ڈیسک)اہم ادارے متحدہ عرب امارات میں فراڈ کر کے آنے والے تاجروں کے خلاف  متحرک ، شاہی خاندان کے معروف تاجر سہیل الزیرونی نے کارروائی کے لیے خط بھی لکھ دیا ہے۔میڈیا رپورٹس کے مطابق یہ خط صدر، وزیر اعظم ، چیف جسٹس اور آرمی چیف کے نام لکھا گیا ہے۔جس پر واچ کمپنی کے مالک شکیل احمد سمیت 211افراد کی فہرستیں تیار کر لی گئی ہیں۔فہرست میں کراچی کی تین شخصیات،خیبر پختونخواہ

کی11شخصیات اور پنجاب کے اکیس تاجربھی شامل ہیں۔ سہیل الزیرونی نے کہا کہ پاکستانی اداروں کی ذمہ داری ہے کہ فراڈ کر کے آنے والے تاجروں کے خلاف سخت کارروائی کریں۔ انہوں نے بتایا کہ واچ کمپنی کے مالک کے خلاف کراچی میں ایف آئی آر درج کروائی گئی لیکن ایک انتہائی اہم سیاسی شخصیت نے اس ایف آئی آر کو نہ صرف تبدیل کروایا بلکہ شاہی خاندان کے کئی افراد کو دھمکیاں  بھی دیں۔