لاہور (مانیٹرنگ ڈیسک) سینئر صحافی و کالم نویس ہارون رشید نے آئندہ انتخابات میں پنجاب میں تحریک انصاف کی جیت کا دعویٰ کیا ہے۔ ایک نجی ٹی وی چینل کے پروگرام میں سینئر صحافی ہارون رشید نے گفتگو کرتے ہوئے کہاکہ پاکستان میں بہت تبدیلیاں دیکھنے کو مل رہی ہیں جو کام حکومت نے کرنے تھے وہ چیف جسٹس آف پاکستان کر رہے ہیں۔ انہوں نے کہا کہ میڈیکل کالجز کی فیسوں کو چیف جسٹس نے محدود کر دیا۔ انہوں نے
اپنی گفتگو میں کہا کہ دہشت گردی بھی پاکستان میں دس فیصد کم ہو گئی ہے اور نئی نئی تبدیلیاں پاکستان میں دیکھنے کو مل رہی ہیں۔ انہوں نے کہا کہ ایک تبدیلی یہ بھی ہے کہ اگلے انتخابات میں پنجاب میں تحریک انصاف جیت جائے گی۔ اس موقع پر سینئر صحافی ہارون رشید نے ساتھی تجزیہ نگار سلمان غنی سے اس بات کی شرط بھی لگا لی کہ تحریک انصاف اگلے انتخابات میں پنجاب میں کلین سویپ کرے گی تو وہ سات دیگیں پکائیں گے۔
