اسلام آباد(مانیٹرنگ ڈیسک)آئی بی نوازشریف کے لئے فنڈنگ کر رہی ہے ،سینئر صحافی مبشر لقمان کا دعویٰ،نجی ٹی وی پروگرام کے دوران اظہار خیال کرتے ہوئے مبشر لقمان کا کہنا ہے کہ سابق وزیر اعظم نواز شریف بہت پروٹوکول کے ساتھ عدالت میں پیش ہوتے ہیں ان کے ساتھ 40گاڑیوں پر مشتمل قافلے کے ساتھ بی ایم ڈبلیو بھی ہوتی ہے۔

لیکن ان کے اس تمام شاہانہ پروٹوکول کا فنڈانٹیلی جنس بیورو کی ایجنسی اٹھاتی ہے۔مبشر لقمان کا کہنا تھا کہ انٹیلی جنس بیورو نواز شریف کے لئے فنڈنگ کر رہی ہے اور ڈی جی آئی بی کچھ عرصہ پہلے بہت ضروری ڈاکومنٹس لے کر لندن میں نواز شریف کے پاس بھی گئے تھے ۔ تب کہا جا رہا تھا کہ یہ ڈاکومنٹس ان لوگوں کو دئیے جا رہے ہیں جو پاکستان میں ان کے لئے لابنگ کریں گے۔