اسلام آباد (مانیٹرنگ ڈیسک) معروف صحافی محمد مالک نے انکشاف کرتے ہوئے بتایا ہے کہ حسین نواز کے خلاف سعودی عرب میں تحقیقات کا آغاز ہو گیا ۔ نجی ٹی وی پروگرام میں گفتگو کرتے ہوئے محمد مالک کا کہنا تھا کہ حسین نواز کے خلاف سعودی عرب میں ان کے اثاثہ جات اور منی ٹرانزیکشن سے متعلق تحقیقات ہو رہی ہیں ۔ ولی عہد محمد بن سلمان بھی نواز شریف سے کافی ناراض ہیں اور کہا یہ جا رہا ہے کہ دونوں کے درمیان کچھ باتیں طے ہوئی تھیں لیکن میاں نواز شریف سعودی عرب سے
جو کمٹمنٹ کر کے آئے تھے ان سے منحرف ہو گئے ہیں۔محمد مالک کا کہنا تھا کہ حسن اور حسین نوا ز سے متعلق پاکستان کی حکومت نے برطانوی حکومت سے اثاثہ جات اور ان کی تفصیلات پر مبنی دستاویزات طلب کی تھیں، برطانوی حکومت نے حسن نواز کی تفصیلات دینے سے انکار کرتے ہوئے کہا کہ وہ برطانوی شہری ہیں لہٰذا ان کی تفصیلات دینے کے ہم پابند نہیںہیں البتہ حسین نواز چونکہ برطانوی شہریت نہیں رکھتے لہٰذا ان کے اثاثہ جات اور منی ٹرانزیکشن کی تفصیلات فراہم کر دی جائیں گی۔
