اسلام آباد(مانیٹرنگ ڈیسک)سابق وزیر اعظم نوازشریف کی اہلیہ کلثوم نواز جو اس وقت لندن میں زیرِ علاج ہیں ان کی حالت بہتر ہونے کے بجائے بگڑتی چلی جا رہی ہے جس کے باعث شریف خاندان شدید پریشانی کا شکار ہے۔بی بی سی کے مطابق بیگم کلثوم نواز کی حالت دن بدن بگڑتی چلی جا رہی ہے۔انہیں دو دن قبل ہی ہسپتال سے پارک لین میں ان کے گھر منتقل کیا گیا تھا جہاں اطلاعات کےمطابق ایک بار پھر ان کی حالت بگڑ گئی ہے۔
سابق وزیر اعظم کی اہلیہ کو کینسر کا مرض لاحق ہے اور وہ گزشتہ تقریباً ایک سال سے لندن میں زیرِ علاج ہیں۔ شہباز شریف نے گزشتہ شام ہی کلثوم نواز کی عیادت کی تھی ۔ کلثوم نواز کے دونوں صاحبزادے حسن اور حسین ان کے ساتھ ہیں لیکن ان کے شوہراور ان کے بیٹی مریم نواز پاکستان میں کرپشن کے الزامات میں مقدمات کی وجہ سے لندن آنے سے قاصر ہیں۔ذرائع کے مطابق مریم نواز کی آئندہ چند دنوں میں لندن آمد متوقع ہے۔
