راولپنڈی (مانیٹرنگ ڈیسک) سابق وزیر داخلہ چوہدری نثار علی خان نے ایک نجی ٹی وی چینل کو انٹرویو دیتے ہوئے کہا کہ اگر مریم نواز پارٹی لیڈر ہوئیں تو میں ن لیگ کا حصہ نہیں بنوں گا، اس کے علاوہ انہوں نے سابق وزیراعظم میاں نواز شریف کی صاحبزادی مریم نواز سے متعلق گفتگو کرتے ہوئے کہا کہ یہاں کارکردگی سے متعلق کوئی نہیں پوچھتا۔
فلیٹ تو نواز شریف کے بچوں کے نام پر ہیں اس لئے مریم نواز جواب دیں کہ ان کے پاس اتنی دولت کہاں سے آئی ہے۔ چوہدری نثار نے مزید کہا کہ اگر مریم نواز صاحبہ پاکستان مسلم لیگ ن کی سر براہ بنیں تو پھر میں پارٹی کا حصہ نہیں رہوں گا۔اور مجھے امید ہے کہ میاں شہباز شریف کٹھ پتلی نہیں بنیں گے۔ شہباز شریف پارٹی لیڈر ہیں اور میں ان کو مانتا ہوں، پارٹی میں چند لوگ میرے خلاف کان بھرتے ہیں، نواز شریف کا بیانیہ نہیں سیاسی بیان ہے، زندگی میں کبھی پارٹی ٹکٹ کے لیے درخواست نہیں دی، حلقے کے عوام مجھ پر اعتماد کرتے ہیں، عمران خان کرکٹ کھیلتے تو کئی بار ملاقاتیں ہوئیں۔ نواز شریف نے عمران خان کے خلاف پریس کانفرنس کرنے کو کہا، میں نے کہا کہ تیس سال کا تعلق بگاڑنے میں تیس سال لگیں گے۔ اگر مریم نواز پارٹی لیڈر ہوئیں تو میں ن لیگ کا حصہ نہیں رہوں گا۔ مریم نواز اور حمزہ شہباز ہمارے بچوں کی طرح ہیں کل جب یہ لیڈر ہوں گے تو خاموشی سے علیحدہ ہو جائیں گے۔ مسلم لیگ ن میں اب مشاورت کا ماحول نہیں رہا۔میں نے خاندان کے کسی فرد کے لئے کبھی بھی میاں نواز شریف سے کچھ نہیں مانگا۔ چوہدری نثار کا کہنا تھا کہ میں نے نوازشریف کو کبھی کرپشن کرتے نہیں پایا اگر کرپشن دیکھتا تو نواز شریف کے ساتھ نہ رہتا۔ چوہدری نثار علی خان نے ایک نجی ٹی وی چینل کو انٹرویو دیتے ہوئے کہا کہ اگر مریم نواز پارٹی لیڈر ہوئیں تو میں ن لیگ کا حصہ نہیں بنوں گا
