کراچی (نیوز ڈیسک) کراچی کی بندرگاہ پر خوفناک حادثہ پیش آیا ہے، بندرگاہ پر دو جہاز آپس میں ٹکرا گئے، پورٹ کے ذرائع کا اس حوالے سے کہنا ہے کہ بحری جہازوں کے آپس میں ٹکرانے کی وجہ سے کنٹینرز سمندر میں گر گئے ہیں، اس کے علاوہ ڈیپ پورٹ انتظامیہ نے
فوری طور پر آپریشن کرتے ہوئے کرینوں کو نقصان سے بچا لیا۔ اس حادثے کے بعد سب سے گہرے ٹرمینل پر جہازوں کی آمد و رفت معطل کر دی گئی ہے۔ ذرائع کا اس حوالے سے کہنا ہے کہ گرے ہوئے کنٹینر نکالنے کے بعد ہی جہازوں کی آمد و رفت شروع ہو سکے گی۔
