گجرات(آن لائن)گجرات میں طالبعلم نے زیادتی کا الزام عائد کر کے استاد کو قتل کر دیا۔ میڈیا رپورٹس کے مطابق ملزم فیاض حسین نے الزام عائد کیا کہ مقتول آصف نے اس سے زبردستی زیادتی کی کوشش کی۔ پولیس کے مطابق ملزم نے باپ کے ساتھ مل کر لاش کے ٹکڑے بھی کیے اور لاش میں پھینک دیا۔ میڈیا رپورٹس میں یہ بات سامنے آئی کہ دونوں امام مسجد تھے، ملزم کا کہنا ہے کہ آصف روزانہ آ کر
مجھ سے زیادتی کرتا تھا جس پر میں نے فائرنگ کر کے قتل کر دیا اور قتل کرنے کے بعد لاش کے ٹکڑے کر کے نہر میں پھینک دیا۔ڈی سی او گجرات جہانزیب نے بتایا کہ آصف کی لاش کو ڈھونڈنے کے لیے تین ٹیمیں تشکیل دی گئی تھیں ، ملزم فیاض کو بھی گرفتار کیاگیا اور دوران تفتیش اس نے اپنے جرم کا اعتراف کرلیا۔ ریسکیو ٹیمیں مقتول آصف کی لاش کے ٹکڑے ڈھونڈنے میں مصروف ہیں۔
