اسلام آباد(مانیٹرنگ ڈیسک)معروف صحافی رؤف کلاسرا نے کہا کہ چودھری نثار آج کل خاموش ہیں اورکہیں نظر نہیں آ رہے ، میری اطلاعات کے مطابق چودھری نثار عزت نفس پر سمجھوتہ نہیں کرتے، چودھری نثاراس چیز پر ناراض ہیں کہ آپ نے اپنے ایک ملازم سے، جو کونسلر کا الیکشن بھی نہیں لڑسکتا ، مریم نواز نے ان کے ذریعے بے عزتی کروائی، پرویز رشید نے جب ان پر
ذاتی حملے کیے اس کے بعد چودھری نثار نے یہ فیصلہ کر لیا ہے کہ اب مزید پارٹی میں نہیں چلا جا سکتا، چودھری نثار اور اسٹیبلشمنٹ کو یہ بات سمجھ آ گئی ہے کہ یہ دونوں بھائی گڈ کاپ بیڈ کاپ کھیلتے ہیں لیکن دراصل دونوں ایک ہی ہیں۔ شہباز شریف وہی کریں گے جو نواز شریف کہیں گے ۔شہباز شریف اپنے بھائی کے لیے جنگ لڑ رہے ہیں جس میں چودھری نثار ان کے ساتھ نہیں۔
