اسلام آباد(مانیٹرنگ ڈیسک)سینئر صحافی رؤف کلاسرا نے دعویٰ کیا ہے کہ وزیراعلیٰ پنجاب اور مسلم لیگ( ن) کے صدر شہباز شریف نے نواز شریف کے لئے فوج سے ڈیل مانگی ہے تا ہم فوج نے نواز شریف کے لئے ڈیل لینے سے انکار کر دیا ہے۔ اپنے پروگرام میں گفتگو کرتے ہوئے روف کلاسرا کا کہنا تھا کہ شریف فیملی ایک بار پھر سے نئی ڈیل کرنے کی کوشش کر رہی ہے اور اس مقصد کے لئے وزیراعلیٰ
پنجاب شہباز شریف نے فوج سے رابطہ کیا ہے ، شہباز شریف نے فوج سے نواز شریف کے لئے ڈیل مانگی ہے تا ہم فوج نے شہباز شریف کو کوئی بھی ڈیل دینے سے صاف انکار کر دیا ہے۔فوج نے شہباز شریف سےکہہ دیا ہے کہ آپ جانیں اور آپ کی عدالتیں جانیں۔ہم نہ آپ کو سزا دلوا سکتے ہیں اور نہ ہی سزا سے بچا سکتے ہیں۔واضح رہے کہ نیب میں سابق وزیر اعظم نوازشریف کیخلاف کئی ریفرنسز پر سماعت ہورہی ہے ۔
