کراچی (آن لائن)کراچی پولیس نے لڑکیوں کو محبت اور نوکری کا جھانسہ دے کر اجتماعی زیادتی کا نشانہ بنانے والے گروہ کو گرفتار کرلیا۔چار لڑکوں پر مشتمل یہ گروہ لڑکیوں کو محبت یا نوکری کا جھانسہ دے کر اعتماد میں لیتا اور پھر انہیں زیادتی کا نشانہ بناتا تھا۔ڈی آئی جی پولیس ویسٹ زون عامر فاروقی نے بتایا کہ پولیس نے کالج کی لڑکیوں سے اجتماعی زیادتی کرنے والے گروہ کا سراغ لگایا اور کارروائی کرکے 4 لڑکوں کو گرفتار کیا۔

ڈی آئی جی ویسٹ عامر فاروقی نے مزید بتایا کہ چار لڑکوں پر مشتمل گروہ لڑکیوں کو محبت اور نوکری دلوانے کا جھانسہ دے کر کر زیادتی کرتا ہے۔انہوں نے بتایا کہ ملزمان لڑکیوں کو فارم ہاؤس لے جاکر زیادتی کا نشانہ بناتے تھے، پولیس نے ملزمان کے جرائم کی متعدد وڈیوز بھی حاصل کرلی ہیں۔ڈی آئی جی ویسٹ کے مطابق ملزمان کے سوشل میڈیا اکاؤنٹ میں متعدد تصاویر موجود ہیں جن میں وہ اسلحہ سے لیس نظر آرہے ہیں۔

موضوعات:کراچی