اسلام آباد(آن لائن)پاکستان مسلم لیگ(ن) کے اسلام آبادکے میڈیا کوآرڈینیڑ طارق دلدار چوہدری اور (ن) لیگ اسلام آباد کے سینئر نائب صدر راجہ طاہر نواز نے گزشتہ روز پاکستان تحریک انصاف کے چیئرمین عمران خان سے بنی گالہ میں ان کی رہائش پر ملاقات کی ،ملاقات میں دونوں رہنماؤں نے مسلم لیگ(ن) سے علیحدگی اور پی ٹی آئی میں شامل ہونے کا اعلان کیا۔ملاقات میں پی ٹی آئی کے سینئر مرکزی رہنما و رکن قومی اسمبلی اسد عمر
،اسلام آباد میٹروپولیٹن کارپوریشن میں قائد حزب اختلاف علی اعوان ،اسلام آباد کے صدر خرم نواز اور الیاس مہربان بھی شریک تھے۔اس موقع پر دونوں رہنماؤں طارق دلدار اور طاہر نواز نے تحریک انصاف کی قیادت اور منشور پر مکمل اعتماد کا اظہار کیا جبکہ عمران خان نے شمولیت اختیار کرنے والے نون لیگی قائدین کا خیر مقدم کرتے ہوئے کہا کہ دونوں رہنماؤں کی پارٹی میں شمولیت بہترین اضافہ ہے جس سے اسلام آباد میں پارٹی مزید مضبوط ہوگی۔
