اسلام آباد(مانیٹرنگ ڈیسک)پاک فوج نے ایران پر حملے کی کوشش ناکام بنادی،نجی ٹی وی جیو نیوز کو انٹرویو میں ایرانی وزیر خارجہ کا تہلکہ خیز انکشاف، بڑا اعلان کر دیا۔ تفصیلات کے مطابق نجی ٹی وی جیو نیوز کے معروف صحافی و اینکر حامد میر کو انٹرویو دیتے ہوئے ایرانی وزیر خارجہ جواد ظریف نے انکشاف کیا ہے کہ گزشتہ رات پاک فوج نے ایران پر خوفناک حملے کی کوشش کا بروقت کارروائی کرتے ہوئے ناکام بنا دیا ہے۔ ایرانی وزیر خارجہ کا کہنا تھا کہ پاک ایران بارڈر پر دوخودکش حملہ آور
ایران میں داخل ہو کر ایرانی سکیورٹی فورسز کو نشانہ بنانا چاہتے تھے جس کی اطلاع پاک فوج نے فوری طور پر ایرانی سکیورٹی فورسز کو فراہم کی جس پر دونوں ممالک کی سکیورٹی فورسز نے اس خوفناک حملے کی کوشش کو ناکام بناتے ہوئے دہشتگردوں کو ہلاک کر دیا ہے۔ ایرانی وزیر خارجہ کا کہنا تھا کہ خطے کے ممالک کو سکیورٹی تعاون بڑھانا ہو گا۔ ایران اپنی سرزمین پاکستان کے خلاف استعمال نہ ہونے کا عزم رکھتا ہے اور بھارت سے تعاون پاکستان سمیت خطے کے کسی ملک کے خلاف نہیں۔
