اسلام آباد(مانیٹرنگ ڈیسک)چیف جسٹس آف پاکستان کے چینجنگ روم میں موبائل استعمال کرنے والے سپیشل برانچ کا اہلکار پکڑا گیا، سکیورٹی سٹاف نے پکڑکر رجسٹرار سپریم کورٹ کے سامنے پیش کر دیا۔نجی ٹی وی جیو نیوز کی رپورٹ کے مطابق چیف جسٹس آف پاکستان کے چینجنگ روم میں خلاف ضابطہ موبائل فون استعمال کرنے والے
سپیشل برانچ کے اہلکار علی بٹ کو چیف جسٹس کے سکیورٹی سٹاف نے رنگے ہاتھوں پکڑ لیا۔ علی بٹ چیف جسٹس کے چینجنگ روم میں خلاف ضابطہ موبائل فون کا استعمال کر رہا تھا۔ چیف جسٹس آف پاکستان جسٹس ثاقب نثار کے سکیورٹی سٹاف نے سپیشل برانچ کے اہلکار کو فوری طور پر پکڑ کر رجسٹرار سپریم کورٹ کے سامنے پیش کر دیا ہے۔
